«Әншілер, Меккеге емес, ата-әжелеріңнің зиратына соңғы рет қашан бардыңдар?» — Б. Дәулетбекқызы
Журналист Бибігүл Дәулетбекқызы қазақ шоу-бизнес өкілдерінің Түркия мен Араб еліне қаржы құйып, екі елді байытқандарын сынға алды. Автордың айтуынша, қазір екінің бірі, егіздің сыңары «Умрада жүрмін» деген суреттерін жарыса жариялайтын болған. Сонымен қатар, журналистің айтуынша, күні кеше денесін жалаңаштап, бүгін орамалға бүркенгендер мен Түркияда өмір сүретіндер ел ішіне іріткі салып, қазақты Ауғанстан жолына қарай бағыттап отыр. Бұл жайлы «Адырна» ұлттық порталы жазды.
Журналист Бибігүл Дәулетбекқызы өз пікірін былайша білдірді:
— Инстаграмды ашсаң болды алдыңнан Меккеде жүрген шоу-бизнестердің сайқымазақтары: «Умрада жүрмін» деген суреттерін жарыса салуда. Кеше ғана дөтенін жалтыратып жүрген әншілерің орамалға бүркеніп жатыр шеттерінен.Жә, өз қалауы. Бірақ собіреулер миллиондаған қыз-келіншектердің миын улайды да, сол хиджабын қайта шешіп тастайтынына жыным ұстайды!Немене мода болып кеткен бе Меккеге бару?!Соларға қояр сұрағым: сендер өзі соңғы рет бұл дүниеден өткен ата-әжелелеріңнің, жақындарыңның зиратына қашан бардыңдар?Әруақ риза болмай — тірі байымайды.Осылай кете берсек, бір күні Ауған еліне айналамыз ба деп қорқамын!А, айтпақшы, кеше Мұхамеджан Тазабеков Алматыда қызын ұзатып, ол тойға Бекболат Тілеуханнан бастап бүкіл әншілер, ығайлар мен сығайлар болыпты ғой. «Тойдағы әйелдердің бәрі бүркеніп алған хиджапқа, құдды Сауд Араб елінде жүргендей болдым» деп айтып жатыр барғандар. Жетіскен екенбіз дедім.Қызық деймін де… Бұл кісілер Түркияда өмір сүреді, тойларын елде жасайды, — деп жазды журналист.
Сонымен қатар, өткір жазып, кесіп айтуға машықтанған журналист кезекті жазбасында қазақтың басын айналдырып, елді адастырғандарды сынады. Қазақ, өзбек, қырғыздың қам-қарекетін шендестірді.
— Түркия мен Араб елі Қазақстанға ырза шығар. Осы екі елді әлгі сайқымазақтар мен әншілер жарнамалап әбден байытты. Хиджапқа оранып алып әндетіп, одан қалды түпсаналарын оятамын деген психологсымақтары елді адастырып болды. Соларды еліміздің сатқындары дер едім! Себебі, елін ойласа, қаржыны миллиардтап сыртқа шығармай елдің ішіне салар еді ғой. Өзбек ағайындар мен қырғыздарды қараңыздаршы, шет елде жұмыс жасайды да, сол тапқан табысын елге әкеліп жұмсайды. Ал біздің қауақбастар кері жүреді, — деді Бибігүл Дәулетбекқызы.
Altyn-orda.kz сайты 2009 жылдың қазан айынан бастап жұмыс жасауда. Біз 13 жыл бойы еліміздегі және әлемдегі маңызды ақпараттарды таратудамыз.
Материалды көшіріп басу кезінде Altyn-orda.kz сайтына тікелей гиперсілтеме көрсету міндетті.
Енді бізде өзіміздің мобильдік қосымша бар. Барлық уақытта маңызды жаңалықтардан хабардар болыңыз! Көшіріп алыңыз!
