Астанада 500 отбасы Болат Өтемұратовтың қорының арқасында баспаналы болды

Болат Өтемұратов Қоры Астана әкімдігіне мұқтаж қазақстандықтарға беру үшін жалпы құны 10,5 миллиард теңге болатын 500 пәтерді табыстады.

Altyn-orda.kz хабарлауынша, «Баламекен» қайырымдылық бағдарламасы аясында жаңа пәтерлерді дәрігерлер, мұғалімдер, құтқарушылар және басқа да бюджет саласының өкілдері алды.

Комфорт-класс санатындағы тұрғын үйлер елорданың заманауи тұрғын үй кешендерінде орналасқан.

Үйлерде жылдам жүретін лифттер, бет-әлпетті тану жүйелері орнатылған, жерасты автотұрақтар мен абаттандырылған аулалар бар.

Астана әкімі Жеңіс Қасымбек бұл маңызды әлеуметтік жобаны іске асырғаны үшін қорға алғысын білдіріп, бизнестің қоғам өміріне жауапкершілікпен қатысуының үлгісі екенін атап өтті:

«Болат Өтемұратов қорына азаматтарымыздың өмір сүру жағдайын жақсартуға қосқан зор үлесі үшін алғыс айтамыз. Бұл жоба мемлекет пен жекеменшік сектор арасындағы тиімді әріптестіктің қандай болуы мүмкін екенін көрсетеді».

Пәтер иелерінің қатарында өрт сөндіруші Ерлан Шайхымов та бар. Ол өз әсерімен бөлісті:

«Бұл біз үшін нағыз мейрам болды. Мен бес баланың әкесімін, мұндай қолдау – біз үшін өте маңызды. Енді бізде болашағымызды сеніммен құра алатын өз үйіміз бар».

«Баламекен» жобасы 2019 жылы басталған және әлеуметтік осал топтарды тұрғын үймен қамтамасыз етуге бағытталған. Осы уақыт ішінде Ақтөбе, Ақмола, Қызылорда және Түркістан облыстарында көпбалалы отбасылар, мүмкіндігі шектеулі жандар және табиғи апаттан зардап шеккендер сияқты 1 000-нан астам отбасы баспаналы болды.

Altyn-orda.kz