«Ауадан ақша жасап жүр»: қазақстандық бір әнді бірнеше әншіге сатқан деген күдікке ілінді

Қазақстандық бір топ әнші жалған композиторға алдандық деп шу шығарды. Жәбірленушілер шығын көлемі 10 миллион теңгеден асуы мүмкін деп отыр, деп хабарлайды «КТК» телеарнасының сайтына сілтеме жасаған  kaz.nur.kz

Телеарна тілшісінің мәлімдеуінше, Асхат Тарғыннан бастап, «МузАрт» тобының әншісі Кенжебек Жанәбіловке дейінгі бір топ әнші жалған композиторға алданғанын айтып, шу шығарды. Әншілердің айтуынша, өзін «ақын, сазгермін» деп таныстарған ер адам бұрыннан айтылып жүрген бір әнді 10 адамға сатып, жұлдыздарды ұятқа қалдырған. Былығы ашылса да, ол алған ақшасын қайтармай, хабар-ошарсыз кеткен. «Қысқасы шоу-бизнесте бір алаяқ жүр. Оның есімі – Жақсылық Ыбырай. Қалай алдандым? Ол маған өзі шықты, сөзін жіберді, әнін жіберді, демо версиясын. Сөйтсем, ол ақын да емес, композитор да емес. Ешқандай да өнер адамы емес. Жай ғана ауадан ақша жасап жүрген адам екен. 10 шақты ән. Сол 10 әнді айналыдырып-айналдырып, бүкіл Қазақстанның әншілеріне сатып жатыр», — дейді әнші Перизат Алпыс. Әншілердің айтуынша, оның ауадан ақша жасау тәсілі мынадай: өнер адамдарына өзін «сырлы сазгер», «ақиық ақынмын» деп таныстырып, кейін дайын әндерін жібереді. Бағасы арзан болғасын, бірден сатылады. Бірақ түбінде ол туынды өзге адамға тиесілі болып шығады. 

«Ертеңінде хабарласты да, «Аға, ақша кере болып тұр, балам ауырып жатыр, кеше сіз берген ақшаңызға дәрі алып тастадым, енді процедурасына ақша керек болып тұр еді, қиналып тұрмын, осы 30 мыңмен тоқтайық. 80 мың болады ғой сізге» деді. Ақша бердім. Сөйтсем, бұл ән Мұраттың өзінің ән қоржынындағы бұрын орындалған ән екен», — дейді әнші Асхат Тарғын. Кейбірі тіпті қыруар қаражатқа клип түсіріп тастаған. «Бауырластарым» деген ән бар. Өздеріңіз білесіздер, «қойшы бала» атымен танымал болған Айдос Кәден деген інім бар. Қазіргі сәтте өзім продюсерімін. «Бауырластырым» деген әнді екеуіміз жаздық, студияға барып, одан кейін ауылға барып клип түсіріп тастадық.

Міне, 3-4 күннің ішінде шығады. Жалпы сома «Бауырластар», «Әйелдер» клипі шыққаны, 2 миллион теңге кетті. Міне, осылай алаяқ алдап отыр. Қаншама адамға сатқан», — дейді әнші Қанағат Меченбай. Әнші журналистермен кездесуден бас тартқанымен кінәсін жоққа шығармаған, алайда «бір әнді 10 адамға сатқан» деген айыптауға еш қатысы жоқ екенін айтқан. «Енді оған менің қатысым жоқ. 10 адамға сатқаныма. Кінә жоқ демеймін. Жел тұрмаса ,шөптің басы қимылдамайды ғой. Менен де біраз қателік болды», — дейді Жақсылық Ыбырай.

«Алдандық» деген әншілер жалған сазгердің үстінен ұжымдық арыз түсірген. Қазір полицейлер тергеу жүргізіп жатыр. «Барлық мән-жайы және құқықбұзушылықтың, қылмыстың орын алу тізбегі міндетті түрде анықталып, іс бойынша процессуалдық шешім қабылданады. Қылмыстық іс жүргізу кодексінде көзделген барлық тергеу жүргізіліп жатыр», — дейді Алматы қаласы полиция депаратментінің ресми өкілі Салтанат Әзірбек.

kaz.nur.kz