Әзірбайжан президенті Таулы Қарабаққа 140 мыңға жуық босқынды қоныстандыратынын мәлімдеді
Әзірбайжан Таулы Қарабаққа 140 мыңға жуық адамды, оның ішінде аймақтан кеткен босқындарды қоныстандырмақ. Бұл туралы Әзірбайжан президенті Ильхам Әлиев мәлім етті, деп хабарлайды “Адырна” ұлттық порталы.
Ильхам Әлиевтің айтуынша, бұл жоспар 2026 жылға дейін жүзеге асырылады. Оралғысы келетін армяндар Әзірбайжан азаматтығын алуы тиіс.
Сондай-ақ, ол Таулы Қарабақтың инфрақұрылымдық және тұрғын үй нысандарына инвестиция салу қажет екенін атап өтті. Инвестицияларының негізгі бағыты – ауыл шаруашылығы, гидроэнергетика, күн және жел энергетикасы, туризм.
«Оралғысы келетіндер оған құқылы. Олардың мүлкі қорғалған. Барлық тарихи және діни нысандар да солай. Оралу үшін белгілі бір ережелерді сақтауы керек. Қалғысы келетіндер Әзірбайжан азаматтығын алуға өтініш тапсыруы керек»,– деді Ильхам Әлиев.
Altyn-orda.kz сайты 2009 жылдың қазан айынан бастап жұмыс жасауда. Біз 13 жыл бойы еліміздегі және әлемдегі маңызды ақпараттарды таратудамыз.
Материалды көшіріп басу кезінде Altyn-orda.kz сайтына тікелей гиперсілтеме көрсету міндетті.
Енді бізде өзіміздің мобильдік қосымша бар. Барлық уақытта маңызды жаңалықтардан хабардар болыңыз! Көшіріп алыңыз!
