Батыс Қазақстанда жаттықтырушы спортшы балаларды ұрып-соққан (ВИДЕО)

БҚО-да самбо жаттықтырушысы екі балаға қол көтерген деп хабарлайды Stan.kz ақпарат агенттігі «Уральская неделя» басылымына сілтеме жасап.

Шыңғырлау ауылындағы спорт мектебі оқушыларының ата-аналары самбо жаттықтырушысы Қайсар Құсайыновтың екі баланы кеудесі мен басынан ұрғанын мәлімдеді. Ол бейнежазба таралып кеткен.

Ол біреуін кеудесінен итереді, ал екіншісін беті мен басынан ұрады.

Жаттықтырушы оларды басқа жаттықтырушыға ауысқандықтан соққыға жықты. Спортшы ата-анасымен бірден полицияға арыз жазған, содан кейін ғана жаттықтырушы кешірім сұрады.

«Кешке жұмыстан үйге келсем, баламның беті қып-қызыл. «Не болды?» деп сұрадым, бірақ ол жауап бермеді. Содан кейін қоймай анық-қанығын сұрап білмек болғанымда, оны жаттықтырушы ұрғанын айтты.Оның баламды ұруға қандай құқығы бар?! Ешкім баласын спортпен шұғылдануға мұғалім мазақ етсін деп бермейді. Полицияға арыз бергеннен кейін Қайсар үйге келіп, кешірім сұрады», – деді баланың анасы Сәуле Уәлиахметова.

Жаттықтырушы оқушыларды ұрғанын растады. Оның айтуынша, олар оны ескертпестен басқа жаттықтырушыға ауысқанына ол ашуланып кетті.

Шыңғырлау АІІБ бастығы Сергей Астафьев бұл іс бойынша әкімшілік хаттама жасалғанын, бірақ жаттықтырушы мен балалардың ата-аналары татуласқаннан кейін істі қарау тоқтатылғанын хабарлады.

Жағдайды Батыс Қазақстан облысы дене шынықтыру және спорт басқармасы бастығының орынбасары Жеңіс Нығметуллин де түсіндірді. Олар қызметтік тексеру жүргізеді және нәтижелері бойынша шаралар қабылданады.