Чилидегі Димаштың жанкүйерлері қазақ тілінде ән айтып, қазақстандықтардың жүрегін жаулап алды

Чили елінен шыққан, Қазақстанның танымал әншісі Димаш Құдайбергеннің жанкүйерлері оның жаңа әні «Тау ішінде» композициясына қазақ тілінде кавер жазып, қазақстандықтардың ыстық ықыласына бөленді.

Видео әлеуметтік желілерде тез тарап, қазақстандық қолданушылар арасында үлкен қошеметке ие болды, деп хабарлайды Altyn-orda.kz.

Орындау идеясын Манэ есімді жанкүйер ұсынған.

Ол қазіргі кезде қазақ тілін үйреніп жүр. Жолдасымен бірге олар Димаштың шығармашылығына деген сүйіспеншілігін білдіру мақсатында әсерлі видео түсіріп, әнді қазақ тілінде орындаған. Бейнежазбада олар мүмкін болатын айтылым қателіктері үшін кешірім сұрап, бұл әрекетті Димашқа деген шынайы махаббатпен жасағанын атап өтті.

Қыздардың бірі тіпті домбырада әуен ойнауға тырысқан — бұл сәт қазақстандықтарды ерекше әсерге бөлеген.

Каверге қатысты көптеген жылы пікірлер жазылды:

• «Бір адам бүкіл әлемді қазақша ән айтуға мәжбүрледі — бұл ғажап қой!»

• «Қыздар, керемет! 100 рет «Керемет» десем де, аз болады! Рақмет!»

• «Кереметсіңдер! Чилилік қыздар домбыра да тартып отыр!»

Көптеген қолданушылар чилилік жанкүйерлерге қазақ мәдениетіне деген ықыластары үшін алғыс айтып, Димаштың өнерінің халықаралық деңгейдегі ықпалына тәнті екенін жеткізді.

Әзірге әнші бұл орындау туралы пікір білдірмеген. Алайда бұған дейін ол «Тау ішінде» әніне түсірілген клипті Instagram парақшасында жариялап, әлемдік аудиторияның қызығушылығын тудырған болатын

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от 𝗔𝗻𝗱𝗿𝗲𝗮 ✿ (@andrea_kudaibergen)