Еуропалық комиссия ресейліктерге Шенген визасын беру шарттарын қатаңдататынын мәлімдеді

Еуропалық комиссия Ресей азаматтарына көп мәртелі шенген визаларын беруді толық тоқтатты. Енді ресейліктер Еуропалық одақ елдеріне әр сапар алдында жеке виза рәсімдеуі керек, деп хабарлайды Altyn-orda.kz.

Шешім Швейцария мен Норвегияға да қатысты. Ерекше жағдай тек ЕО азаматтарының туыстарына және көлік саласы қызметкерлеріне қарастырылған. Олар визалық тәртіпті бұзбаған жағдайда тоғыз айға дейінгі мерзімге көп мәртелі виза ала алады.

Бұл шешім Еуроодақтың он тоғызыншы санкциялық пакеті аясында қабылданды. Брюссель мұны Ресейдің Украинаға басып кіруімен және киберқауіптердің өсуімен байланыстырды.

Қолданыстағы визалар өз күшінде қалады, бірақ барлық ЕО елдері жаңа талаптарды орындауға міндетті.

Altyn-orda.kz