Футбол федерациясының басшысы бір жылда қазақ тілін үйренуге уәде берді

Қазақстан футбол федерациясының президенті Марат Омаров Үкімет отырысы аясында журналистерге берген сұхбатында мемлекеттік тілді меңгеруді жоспарлап отырғанын айтты, деп хабарлайды Altyn-orda.kz.

— Әрине, бұл үшін біраз уақыт керек. Тәжірибе қажет. Бірақ мен бір жылдың ішінде еркін сөйлей алатыныма сенемін. Сұхбаттар да беретін боламын. Қазақ тілін үйренуде сіздердің көмектеріңіз қажет, — деді Омаров журналистерге.

Бұған дейін Федерация басшысы қазақстандық спорттағы ұлттық бірегейлікті дамыту мәселесін бірнеше рет көтерген болатын. Енді ол қазақ тілінің футбол саласындағы орнын күшейтуге деген ұмтылысты іспен дәлелдемекші 

.