Каспий жағалауында шағын АЭС салу мәселесі қарастырылуда

Қазақстан батыс өңірде, Каспий теңізінің жағалауында шағын атом электр станциясын салу мүмкіндігін қарастыруда. Бұл туралы Атом энергиясы агенттігінің төрағасы Алмасадам Сатқалиев мәлімдеді, деп хабарлайды Altyn-orda.kz.

Нақты орын әзірге белгіленбеген. Жақын уақытта техникалық-экономикалық және экологиялық талдау жүргізу жоспарлануда.

Бұл — Алматы және Абай облыстарынан кейінгі атом энергетикасына арналған үшінші ықтимал нысан болмақ.

Шағын және орта қуатты реакторлар инфрақұрылымы шектеулі өңірлер үшін болашағы зор шешім саналады: олар 300-ден 1000 мегаватқа дейін электр энергиясын өндіре алады, пайдалануда қарапайым және жобалық тұрақтылық тұрғысынан қауіпсіз.

Елдің оңтүстік және батыс өңірлеріндегі энергия тапшылығы атом генерациясын дамытуды стратегиялық тұрғыда маңызды қадамға айналдырды. Әлемдік төмен көміртекті экономикаға көшу жағдайында Қазақстан энергия көздерін әртараптандыруға, сондай-ақ технологиялық серіктестер мен геосаяси тәуекелдерді ескеруге бағыт ұстап отыр.

Altyn-orda.kz