Қазақстан мен Әзербайжан Каспий теңізінде бірлескен оқу-жаттығу өткізеді.

Қазақстан мен Әзербайжанның Әскери-теңіз күштері «Каспий бризы – 2025» бірлескен оқу-жаттығуларын Ақтаудың жағалау аймағында өткізеді, деп хабарлайды Altyn-orda.kz

ҚР Қорғаныс министрлігіне сілтеме жасап.

Кеше Ақтауда екі елдің өкілдерінің қатысуымен штабтық келіссөздер өтті. Қазақстан тарапынан ӘТК Бас қолбасшысының бірінші орынбасары, бірінші дәрежелі капитан Қанат Ниязбеков, ал Әзербайжан тарапынан ӘТК штаб бастығы, бірінші дәрежелі капитан Теймур Муршудов қатысты.

Әскери тараптар оқу-жаттығулардың жоспарын келісіп, оларды Каспий теңізінің қазақстандық бөлігінде өткізуді шешті. Кемелер келгеннен кейін эпизодтардың сценарийлері мен карталары нақтыланатын болады.

Оқу-жаттығу аясында кемелердің бірлескен маневрлері, асимметриялық қауіптерге қарсы іс-қимыл, апатқа ұшыраған әуе және теңіз кемелеріне көмек көрсету, сондай-ақ теңіз және әуе нысандарына оқ ату жаттығулары жоспарланған.

«Бұл оқу-жаттығулар елдеріміздің әскери-теңіз күштері арасындағы өзара іс-қимылды нығайтуға және әріптестікті дамытуға бағытталған», — деді Қанат Ниязбеков.

Оқу-жаттығуға Қазақстанның әскери-теңіз базасының жағалаудағы бөлімшелері мен кемелері қатысады. Әзербайжан екі күзет кемесін, қосалқы кемені және құрлықтағы күштерді жібереді.

Altyn-orda.kz