Қазақстанда әйелдер вагондары бар пойыз бағыттарының тізімі кеңейтілді

Қазақстанда әйелдерге арналған вагондар қызметі кеңейіп келеді. Бүгінде мұндай вагондар 12 бағытта жүреді, деп хабарлайды Altyn-orda.kz «Жолаушылар тасымалы» АҚ-ға сілтеме жасап.

Әйелдер вагондары қолжетімді бағыттар:

• №77/78 Алматы – Маңғыстау облысы

• №351/352 Алматы – Маңғыстау облысы

• №45/46 Павлодар – Түркістан

• №37/38 Маңғыстау облысы – Семей

• №47/48 Атырау – Астана

• №33/34 Ақтөбе – Алматы

• №4/3 Астана – Алматы

• №71/72 Астана – Шымкент

• №354/353 Астана – Семей

• №24/23 Ақтөбе – Алматы

• №25/26 Алматы – Шымкент

• №614/613 Орал – Маңғыстау облысы

Жүру шарттары

Мұндай вагондарда жол жүру билеттері тек әйелдерге арналған. Қызмет көрсету де тек әйел жолсеріктер арқылы жүзеге асырылады. 7 жасқа дейінгі ұл балалардың бірге жүруіне рұқсат етіледі.

Онлайн билет сатып алу кезінде «ЖН» белгісіне назар аудару қажет — бұл таңба орын әйелдер вагонында екенін білдіреді.

Билетті қайдан және қалай сатып алуға болады:

• Теміржол кассаларында — алдын ала әйелдер вагонынан орын қажет екенін айту жеткілікті

• Онлайн — тасымалдаушының сайтынан «ЖН» белгісі арқылы

• Билеттер жөнелту күніне 45 күн қалғанда сатыла бастайды

Жаңа бағыттар бола ма?

«Жолаушылар тасымалы» компаниясы 2025 жылы бағыттар тізімін кеңейту жоспарланбағанын хабарлады. Алайда, жолаушылар тарапынан тұрақты сұраныс пен оң пікірлер болған жағдайда жаңа бағыттарды қосу мүмкіндігі қарастырылады.