Қазақстанда астық түсімі 6,5 млн тоннадан асты

4 қыркүйектегі ресми мәліметке сәйкес, елде 6,5 млн тоннадан астам астық жиналды.

Жұмыс 4,6 млн гектар алқапта жүргізіліп, бұл жалпы егістік көлемінің 28,5%-ын құрайды, деп хабарлайды Altyn-orda.kz.

Ауыл шаруашылығы министрлігі науқан агротехникалық мерзімдерге сай және жоспарланған қарқынмен жүріп жатқанын атап өтті.

Дәнді дақылдар өнімдерінен бөлек, 131 мың тонна майлы дақылдар, 778,1 мың тонна картоп, 2 млн тоннадан астам көкөніс және 2,1 млн тонна бақша дақылдары жиналды.

Әсіресе қырыққабат (347,4 мың т), пияз (418 мың т) және сәбіз (129,3 мың т) бойынша жоғары нәтижелер тіркелді.

Билік қолайлы жағдай сақталса, биылғы жалпы өнім былтырғы көрсеткіштен асып түседі деп күтуде.

Altyn-orda.kz