«Қазақтар өздері ештеңе сала алмады, тек барын қиратты» -Алматы мақта-мата комбинаты жандандыруды үкімет қолға алды

Кеңес өнеркәсібінің флагманы болған   Алматы мақта-мата комбинаты      (АХБК) ұзақ уақыт бойы тәуелсіз Қазақстан басшылығын сынға алушылардың, яғни халық арасында  аталатын белгілі бір топтың айыптау ұшырады , деп хабарлайды Altyn-Orda.kz.

Олар: «Қазақтар өздері ештеңе сала алмады, тек барын қиратты», – деп кінә таққан.

Біріншіден, комбинат одақтық, яғни Қазақстанға емес, Мәскеуге бағынышты кәсіпорын болды. Екіншіден, оның өнімдері нарықтық бәсекеге төтеп бере алмады.

Жабылу себебі – көптеген КСРО кәсіпорындарының басындағы жағдай: жаңа экономикалық жүйеге бейімделе алмау. Нәтижесінде, жылдам өзгерген әлемге бейімделе алмаған соң, комбинат та  өз жұмысын  тоқтатты.

Ал енді жақсы жаңалық. ҚР Үкіметінің баспасөз қызметінің хабарлауынша, Қазақстан Республикасының Премьер-Министрі Олжас Бектенов Қытайдың Xinjiang Lihua (Group) Co., Ltd. компаниясының директорлар кеңесінің төрағасы Чжан Цихаймен кездесті. Кездесу барысында Түркістан облысындағы TURAN арнайы экономикалық аймағында мақта-тоқыма кластерін құру жөніндегі инвестициялық жобаның жүзеге асырылу барысы талқыланды.

Бұл жоба мақта өндірісінің толық циклын қамтитын агроөнеркәсіптік кешен құруға бағытталған. Яғни, шикізат өсіруден бастап дайын өнім – жіп, мата, киім және басқа да тоқыма бұйымдарын шығаруға дейінгі кезеңдерді қамтиды.

Жоба аясында 50 мың гектардан астам жер мақта егуге бөлінді, он зауыт салу жоспарланған. Оның ішінде төртеуі мақтаны өңдеуге, екеуі заманауи су үнемдеу технологияларын қолданатын тамшылатып суару жүйелерін өндіруге, ал төртеуі тоқыма өндірісіне, оның ішінде тігін және бояу-тоқыма фабрикаларына бағытталған. Жалпы инвестиция көлемі 200 млрд теңгеден асады. Бұл жоба 4 мыңнан астам жаңа жұмыс орнын, оның ішінде 3 мың тұрақты жұмыс орнын құруды көздейді.

Бүгінде кластердің қажеттіліктерін қамтамасыз ету мақсатында ПВХ құбырларын шығаратын зауыт іске қосылды, тоқыма фабрикаларының құрылысы басталды. Сондай-ақ, инвестор суландыру инфрақұрылымын (каналдар жүйесі, су сорғы станциясы) салуда.

Xinjiang Lihua (Group) Co., Ltd. компаниясының директорлар кеңесінің төрағасы Чжан Цихай Қазақстанның инвестициялық ахуалының қолайлы екенін, сондай-ақ жобаны жүзеге асыруға аймақтың климаттық ерекшеліктері өте ыңғайлы екенін атап өтті. Ол биылғы қазан айында дайын өнімнің алғашқы өндірісі іске қосылатынын мәлімдеді.

Премьер-Министр Олжас Бектенов бұл жобаның Қазақстан экономикасын дамытудағы маңыздылығын атап өтті.

«Мемлекет басшысы экономиканы әртараптандыру және нақты секторға инвестиция тарту міндетін қойды. Мақта-тоқыма кластерін құру – өнімнің қосылған құнын арттырып, ауыл шаруашылығы өндірісін дамытуға және елдің экспорттық әлеуетін кеңейтуге ықпал етеді. Үкімет өз тарапынан қажетті қолдауды көрсетеді», – деді Олжас Бектенов.

Анықтама:

Xinjiang Lihua (Group) Co., Ltd. – Қытайдың мақта индустриясындағы ең ірі компаниялардың бірі. Бұл Синьцзяндық компания Қытайдың 500 ірі ауылшаруашылық кәсіпорнының ішінде 55-ші орынға ие. Ол мақта өндірісінің толық циклін, яғни тұқым таңдаудан бастап дайын өнім өндіруге дейінгі барлық процестерді қамтиды.

Altyn-Orda.kz