ҚХР Төрағасы Си Цзиньпин Жеңіс күніне арналған салтанатты іс-шараларға қатысу үшін Мәскеуге келді.

Қытай Халық Республикасының Төрағасы Си Цзиньпин 7 мамырда Жеңістің 80 жылдығына арналған іс-шараларға қатысу үшін Мәскеуге келді. Визит 10 мамырға дейін жалғасады, деп хабарлайды Altyn-orda.kz ТАСС агенттігіне сілтеме жасап.

Қытай көшбасшысы шамамен Мәскеу уақытымен 18:00-де Внуково-2 әуежайына қонды.  Онымен бірге Қытай Коммунистік партиясының жоғары лауазымды өкілдері — ҚКП Орталық Комитеті хатшылығының басшысы Цай Ци мен Сыртқы істер жөніндегі комиссия кеңсесінің жетекшісі, Сыртқы істер министрі Ван И келді.

Кремльдің баспасөз қызметінің мәліметінше, сапар аясында Си Цзиньпин Ресей Федерациясының президенті Владимир Путинмен келіссөздер жүргізеді.

Тараптар екіжақты стратегиялық әріптестікті дамыту перспективаларын, сондай-ақ халықаралық және аймақтық өзекті мәселелерді талқылайды.

РФ президентінің көмекшісі Юрий Ушаковтың айтуынша, 8 мамырда көшбасшылар «Сібір күші – 2» газ құбыры жобасын, Украинадағы жағдайды және Ресейдің АҚШ-пен қарым-қатынасын талқылайды.