«Кішкентай баланың үстіне бар салмағымен отырған» Балқаш қаласында балабақша тәрбиешісінің үстінен қылмыстық іс қозғалды
Қарағанды облысы Балқаш қаласында балабақша тәрбиешісінің үстінен адамды қинау бабы бойынша қылмыстық іс қозғалды деп хабарлады КТК телеарнасы.
Тіпті тергеушілер оның ақыл-есінің дұрыстығына күмән келтіріп отыр. Өйткені күдікті балабақшадағы түзету тобына баратын сөйлеу және дамуында ауытқуы бар балаларға білгенін істеген.
Бақылау камерасы түсірген таспада тәрбиешінің тыныш отырған баланың үстіне бар салмағымен жайғасып алғанын анық аңғаруға болады. Дұрыс сөйлей алмайтын балалар тәрбиешіден теперіш көргендерін айта алмайды. Бір ата-ана осы видеоны кездейсоқ көріп қалып, бірден полцияға арызданған.
Алғашында қылмыстық іс «кәмелетке толмаған балаға дұрыс қызмет көрсетпеу» бабы бойынша қозғалыпты. Бірақ бақылау камарасына түскен басқа видеолар полицейлерді селт еткізген. Онда осы тәрбиеші балаларды ұрып-соғып, ұятты жерлерін шымшып, үстел сүрткен шүберекті аузы-мұрнына тыққан. Осыдан кейін қылмыстық іс адамды қинау бабына өзгертіліп, күдіктіге психикалық сараптама тағайындалды. Тіпті бірден жұмыстан шығарылып, балабақша меңгерушісіне сөгіс жарияланған.
«ҚР ҚК 110, яғни «қинау» бабына сәйкес қылмыстық іс тергелуде. Тергеу орындары соңғы жарты жылдағы бейнежазбалар тәркіленіп алынды. Қазіргі уақытта тиісті сараптамалар тағайындалды. Қорытындысы бойынша нақты процессуалды шешім қабалданатын болады», – деді Қарағанды облысы ПД баспасөз хатшысы Бақытжан Құдияров.
Посмотреть эту публикацию в Instagram
Altyn-orda.kz сайты 2009 жылдың қазан айынан бастап жұмыс жасауда. Біз 13 жыл бойы еліміздегі және әлемдегі маңызды ақпараттарды таратудамыз.
Материалды көшіріп басу кезінде Altyn-orda.kz сайтына тікелей гиперсілтеме көрсету міндетті.
Енді бізде өзіміздің мобильдік қосымша бар. Барлық уақытта маңызды жаңалықтардан хабардар болыңыз! Көшіріп алыңыз!
