Лавров: Украинадан соң Молдова!

Салпауыз Сергей бүгін сұхбат берді. «Украинадан соң антиресейлік орталық Молдова болады»,- деді.

Ресей Сыртқы істер министрі Сергей Лавров осыған дейін де бірнеше мәрте сөз қозғап: «Батыс Украина секілді Молдовада да антиресейлік көңіл-күй қалыптастырып жатыр»,- деген еді.

Ал осы жолы: «Молдова екінші Украина болмақ. Президент Мая Санду Батысқа жағыну үшін антиресейлік саясат жүргізіп жатыр»,- депті.

Одан бөлек: «Мая Санду НАТО-ға қосылуға құлшынып отыр. Оның өзі Румыния азаматы. Оның мақсаты — Румыния мен Молдованы біріктіру»,- депті.

Лавров сондай-ақ, бұрынғы кеңестік елдердің де тағдыры мен саясатына баға беріпті. «Украина жолымен жүргісі келетіндер, абайлаңдар!»,- деп ескерту жасапты.

«АҚШ пен Батыс Орталық Азияға көз тігіп отыр»,- дейді. Әрі қарай, Гүржістанға тоқталып: «Грузиндер бізбен дос болғысы келеді»,- дейді.

Нұргелді Әбдіғаниұлы.

facebook.com