Мәскеуде Алиевтің әкесіне ескерткіш орнатылады

Ресей Федерация Кеңесінің төрайымы Валентина Матвиенко мен Әзербайжанның бірінші вице-президенті Мехрибан Алиева Бакуде кездесті, деп хабарлайды Altyn-orda.kz ТАСС агенттігіне сілтеме жасап.

«Кездесу Федерация Кеңесі делегациясының Әзербайжанға ресми сапары аясында ұйымдастырылды. Тараптар екіжақты қатынастарды, соның ішінде мәдени және гуманитарлық ынтымақтастық мәселелерін талқылады», – делінген хабарламада.

Сонымен қатар, Матвиенко мен Алиева, Гейдар Алиев қорының жетекшілері ретінде, әзербайжан халқының ұлттық көшбасшысының есімін мәңгі есте қалдыру жұмыстарының жалғасуының маңыздылығын атап өтті.

«Екі тарап Мәскеуде Әзербайжан елшілігі алаңында Гейдар Алиевке ескерткіш орнатудың маңыздылығын атап өтті», – деп қосты Ресей Федерация Кеңесі.

Айта кетейік, 4 наурызда Ресейдегі Әзербайжан елшілігінің саябағында Гейдар Алиевке арналған ескерткіштің салтанатты ашылу рәсімі өтті.

Мемориал тақтасында: «Бұл жерде екі мәрте Социалистік Еңбек Ері, көрнекті мемлекеттік және саяси қайраткер, Байкал-Амур магистралі құрылысы мен дамуы жөніндегі комиссияның төрағасы Гейдар Алиевке ескерткіш орнатылған» деп жазылған.

Гейдар Алиев бұған дейін Әзербайжан КСР-інің Мемлекеттік қауіпсіздік комитетін басқарған. 1993 жылдан 2003 жылға дейін ел президенті болды. Қазіргі уақытта Әзербайжанды оның ұлы Ильхам Алиев басқарады.

Бұған дейін Әзербайжан мен Ресей арасында Azerbaijan Airlines әуе компаниясының Ақтау маңында болған жолаушы ұшағы апатына байланысты түсініспеушілік туындаған еді.