“Мұрагерлік дау”. Ислам Каримовтың ұлы Татьяна Каримованы сотқа берді

Петр Каримовтың Өзбекстанның тұңғыш президентінің жесірі Татьяна Каримоваға қатысты талап арызы Ташкент қаласының азаматтық істер жөніндегі Яккасарай ауданаралық сотында қаралады, деп хабарлайды “Адырна” ұлттық порталы Азаттықтықтың өзбек бөліміне сілтеме жасап.

26 маусымға белгіленген отырыс туралы ақпарат Жоғарғы Соттың сайтында сот отырыстарының кестелері бөлімінде орналастырылған.

Ташкент қалалық сотының сайтында жазылғандай, қаралатын іс «мұрагершілік құқығынан туындайтын дауларға» қатысты.

Айта кетейік, Петр Каримов — Өзбекстанның тұңғыш президенті Ислам Каримовтың Наталья Кучмимен некесінен туған тұңғыш баласы. Ол 1969 жылы дүниеге келген. Сол жылы Ислам Каримов пен Наталья Кучми ажырасқан. Наталья Кучми 2008 жылы Ташкентте қайтыс болды.

54 жастағы Петр Каримов 1990 жылдардан бері Мәскеуде тұрады.

1988 жылы Ташкент халық шаруашылығы институтын бітірген Петр біраз уақыт банк-қаржы саласында және «Өзбекстан әуе жолдары» ұлттық авиакомпаниясының Мәскеудегі өкілдігінде жұмыс істегені белгілі.

2018 жылы «Uzbekistan Airways» ұлттық әуе компаниясында бірнеше жыл жұмыс істеген Петр Каримов жұмыс берушіні сотқа берді. Петр компанияны 2017 жылы әкесі қайтыс болғаннан кейін жұмыстан шығарды және оған қарыз ақша төлемеген деп айыптады. Сол жылдың аяғына қарай талапкер мен жауапкер арасындағы мерзімінен бұрын бітімгершілік келісімге келуге байланысты іс жабылған болатын.