Өзбекстан Қазақстанға 922 млн текше метр су жібереді

Су ресурстары және ирригация министрлігі биылғы суару маусымында Өзбекстан Қазақстанға «Достық» арнасы арқылы 922 миллион текше метр су жіберетіндігін  хабарлады деп хабарлайды Altyn-orda.kz  Abai.kzке сілтеме жасай отырып 

Бұл туралы тараптар Қазақстаннан басқа Қырғызстан, Тәжікстан, Түркіменстан және Өзбекстан кіретін мемлекетаралық су үйлестіру комиссиясының 86-шы отырысында келісті.

«Қазіргі басты міндетіміз – су тасқынынан пайда болған суды жинау. Одан кейін Каспий теңізіне, Балқаш, Қамысты-Самар көлдеріне, Ұлытау өңірінен Қызылорда облысының көлдеріне жіберу. Бұл ретте оңтүстік өңірлерді сумен қамтамасыз ету маңызды. Ал бұл мәселеде су дипломатиясы өте маңызды»,  – деді Қазақстан Республикасының Су ресурстары және ирригация министрі Нұржан Нұржігітов.