«Рэкетир» фильмі арқылы көпшілікке танылған актер Мұрат Бисембин өмірден өтті.

Мұрат Бисембин қазақстандық көрерменге шынайы, қатал әрі өмірге жақын бейнелерімен есте қалды. «Рэкетир» фильміндегі рөлі оны елге кеңінен танытып, 2000-жылдардағы қазақ киносының символдарының біріне айналдырды деп хабарлайды  Altyn-orda.kz

Экрандағы образы арқылы ол сол дәуірдің ауыр шындығын, қайшылыққа толы тағдырларды нанымды жеткізе білді.

Актер соңғы жылдары денсаулығына байланысты қиын кезеңді бастан өткергені белгілі. Соған қарамастан, ол өнерге деген құрметін жоғалтпай, көрермен жадында жарқын бейнесімен қалды.

Мұрат Бисембиннің өмірден өтуі – қазақ киносы үшін үлкен қаза. Оның сомдаған кейіпкерлері, айтылмай қалған сөздері мен экрандағы үнсіз ойлары көрерменмен бірге өмір сүре береді.

Марқұмның туған-туыстары мен жақындарына қайғырып көңіл айтамыз.