АҚШ Ресейге қатысты санкциялық саясатын қайта қарауды жоспарлап отырған жоқ, бұл жөнінде Украинада тұрақты атысты тоқтату жүзеге аспайынша ешқандай өзгеріс болмайды. Бұл туралы АҚШ Мемлекеттік департаментінің ресми өкілі Тэмми Брюс мәлімдеді, деп хабарлайды Altyn-orda.kz Deutsche Welle-ге сілтеме жасап.
«Қырғын жалғасып жатқанда ешқандай келіссөздер, ешқандай шешімдер, ешқандай жеңілдіктер болмайды», — деді ол журналистермен әңгіме барысында.
Брюс ханымның айтуынша, украиналық Сумы қаласына жасалған соңғы зымырандық соққы — 35 адамның өмірін қиған оқиға — Вашингтонның алаңдаушылығын күшейтіп, қатаң ұстанымды сақтаудың маңыздылығын тағы да дәлелдеген.
Осы жағдайға байланысты The Wall Street Journal газетінің жазуынша, АҚШ әкімшілігінің жоғары лауазымды өкілдері — Мемлекеттік хатшы Марко Рубио мен президенттің Украина жөніндегі арнайы өкілі Кит Келлог — президент Дональд Трампты Мәскеуге қатысты қаталдау ұстаным ұстануға шақырған.
Әсіресе бұл Ресейдің Киевке қатысты территориялық талаптарына қатысты.
Altyn-orda.kz
