Тоқаев саяси қуғын-сүргін мен ашаршылық құрбандарын еске алды
![](https://altyn-orda.kz/kaz/wp-content/uploads/2024/05/full_1712913259a2ba177b32b74af55ed7946abb1d6408_webp-905x613.webp)
Мемлекет басшысы Қасым-Жомарт Тоқаев 31 мамыр – Саяси қуғын-сүргін және ашаршылық құрбандарын еске алу күніне орай желіде арнайы жазба жариялады. Бұл туралы Stan.kz ақпарат агенттігі хабарлайды.
Тоқаев ашаршылық құрбандарын еске алды.
“Біз жыл сайын 31 мамыр күні өткен ғасырдағы саяси қуғын-сүргін және ашаршылық құрбандарын еске аламыз. Мемлекетіміз қуғын-сүргіннен жазықсыз жапа шеккен жандарды ақтау, төл тарихымыздың ақтаңдақ беттерін объективті әрі тыңғылықты зерделеу жұмыстарына баса мән беріп отыр”, – деді президент.
Айтуынша, өткен замандағы қасіретті оқиғалардан тағылым алып, оны ұлт жадында сақтай білуіміз керек. Сонда ғана кез келген сынақтан сүрінбей өтіп, әділетті мемлекет және өркениетті қоғам құру жолындағы биік белестерді бағындыра аламыз деді ол.
![](https://altyn-orda.kz/wp-content/uploads/banner_smaleev_site.jpg)