Тоқаев Вашингтонда қазақстандық студенттермен кездесті

АҚШ-қа сапары барысында Қазақстан Президенті Қасым-Жомарт Тоқаев Америка Құрама Штаттарында білім алып жүрген қазақстандық студенттермен кездесті. Ақорданың баспасөз қызметінің хабарлауынша, Мемлекет басшысы отандастарымен қысқаша әңгімелесіп, олардың оқу мен кәсіби мансаптарында табыс тіледідеп хабарлайды Altyn-orda.kz 

Бұған дейін Тоқаев АҚШ астанасына келіп, оны АҚШ Мемлекеттік хатшысының бірінші орынбасары Кристофер Ландау қарсы алған болатын. Сапар 6 қарашаға жоспарланған «Орталық Азия – АҚШ» (C5+1 форматы) саммитіне орайластырылған.

Бұл форум аймақтың бес елін – Қазақстан, Қырғызстан, Тәжікстан, Түрікменстан және Өзбекстанды – Америка Құрама Штаттарымен біріктіреді. 2015 жылы құрылған бұл платформа экономикалық ынтымақтастық, қауіпсіздік және тұрақты даму мәселелерін тікелей геосаяси астарсыз талқылауға арналған алаң болып табылады.

Саммит аясында Тоқаев АҚШ Президенті Дональд Трамппен келіссөздер өткізеді деп күтілуде. Тараптар инвестиция, энергетикалық әріптестік және өңірлік тұрақтылық мәселелерін талқылайды. Бұл бағыттар Астана мен Вашингтон арасындағы стратегиялық диалогты нығайтудың негізгі бағыттары болып табылады.

Altyn-orda.kz