Дональд Трамп электр көліктерін қолдау мақсатында Tesla-ның жарнамалық акциясын ұйымдастырып, Ақ үй маңында автокөліктер шеруін өткізді, сондай-ақ компания дилерлік орталықтарына жасалған шабуылдарға байланысты бір Tesla моделін сатып алды. Бұл туралы Altyn-orda.kz HuffPost сайтына сілтеме жасап хабарлады.
Акция барысында Трамп «ұлы патриот» деп атаған Илон Маскты қолдайтынын білдірді. Соңғы күндері оның акциялары Трамп әкімшілігі кезіндегі экономикалық басқару мәселелеріне қатысты алаңдаушылық салдарынан күрт төмендеді.
Сонымен қатар, Масктың бюджет шығындары мен федералды үкіметке қатысты даулы шешімдері әлеуетті сатып алушылардың да наразылығын тудырды.
Tesla-ның халықаралық нарықтағы жағдайы да мәз емес. Ақпан айында Германиядағы сатылымдар өткен жылмен салыстырғанда 76%-ға төмендеді. Бұл, мүмкін, Трамптың инаугурациясы кезінде Масктың нацистік сәлемдесумен байланысты белгі көрсеткен оқиғасымен байланысты болуы мүмкін.
Tesla-ның Қытайдағы сатылымы да төмендеді, мұнда жеткізілімдер жылдық есепте 49%-ға азайды.
Өз кезегінде Трамп бұл жағдайды «өте әділетсіз» деп атап, нарықтардың Маскты федералды шығындарды қысқарту әрекеттері үшін «жазалағысы» келетінін айтты.
Сонымен қатар, басылым Трамптың президенттік қызметін Маскты қолдау үшін пайдалануы және құны шамамен 80 000 доллар болатын көлікті сатып алуы этикалық мәселелерді тудыруы мүмкін екенін атап өтті.
Айта кетейік, бұған дейін Tesla иелері көліктерін Toyota мен Mazda белгілерімен жасыра бастағаны туралы хабарланған болатын. Бұл әрекет Масктың Трамптың инаугурациясында даулы ишара жасағанынан кейін Tesla көліктеріне шабуылдар көбейгендіктен жасалған.
Бұған дейін Илона Маскты жақтырмайтын топтар Нью-Йорктегі Tesla автосалонын қиратқаны да хабарланған еді.
