Ұлттық банк теңге бағамының ауытқуын түсіндірді

Ұлттық банк төрағасы Тимур Сүлейменов Үкімет отырысында теңгенің айырбас бағамының қазіргі динамикасына түсініктеме берді. Оның айтуынша, жыл басынан бері теңге бағамы 1%-ға нығайып, бір доллар үшін 519,73 теңгені құрады, деп хабарлайды Altyn-orda.kz.

Бағамға сыртқы да, ішкі де факторлар әсер етуде.

Сыртқы факторларға нарықтағы құбылмалылық, жаһандық сауда қақтығыстары мен ресейлік рубльдің нығаюы жатады.

Мұнай бағасы бір баррель үшін шамамен 70 доллар деңгейінде сақталып отыр.

Ішкі факторлардың ішінде, жыл басында теңгенің нығаюына әсер еткен себеп ретінде Сүлейменов импорттың азаюы аясында шетел валютасына деген сұраныстың төмендеуін және экспорттаушылардың салық төлемдері есебінен валюта ұсынысының артуын атады.

Маусым айының екінші жартысында халық пен компаниялардың шетел валютасына сұранысының артуына байланысты маусымдық ауытқулар байқалды. Бұл құбылыстар демалыс маусымы мен бюджеттік бағдарламалардың орындалуымен байланысты.

Ұлттық банк бұл өзгерістерді қысқа мерзімді деп бағалап, олар жүйелі қауіп төндірмейтінін мәлімдеді. Қазіргі жағдайда бағамның күрт өзгеруіне елеулі негіз жоқ. Реттеуші валюта бағамының еркін өзгеру режімін ұстануды жалғастырады