Ұлытау облысында балабақша бухгалтері шамамен 16 миллион теңгені иемденіп алған.

Ұлытау облысында балабақша бухгалтері мемлекет қаржысын ұрлағаны үшін сотталды, деп хабарлады облыстық прокуратураның баспасөз қызметі деп хабарлайды  Altyn-orda.kz

Жайрем кентінде балабақша қызметкері жұмысшылардың шоттарына негізсіз түрде белгіленген еңбекақы мөлшерінен артық қаражат аударып отырған. Келтірілген жалпы залал 15,9 миллион теңгені құрады.

Сот әйелді кінәлі деп танып, сегіз жыл шартты жаза тағайындады. Сондай-ақ оған 10 жыл бойы бухгалтерлік және кез келген қаржылық қызметпен айналысуға тыйым салынды.

Үкім заңды күшіне енді