«Үш раунд аяқта тұра алмайды»: Бақыт Сәрсекбаев отандық боксшыларды аяусыз сынап тастады
2008 жылы Бейжіңде өткен жазғы Олимпиада ойындарының чемпионы, боксшы Бақыт Сәрсекбаев қазақстандық былғары қолғап шеберлерін сынға алды. Ол Париж Олимпиадасына аттанған құрамның дайындығына күмән келтіріп отыр, деп жазады KAZ.NUR.KZ.
Бақыт Сәрсекбаев бокстан ұлттық құрамаға қатысты ойын Instagram желісіндегі парақшасында жазды.
«Жігіттердің физикасы өте нашар! Екінші раундта демалыстары қиындап, шаршы алаңда әрең жүр. Соққылары аз. Соққы комбинациясы тіпті аз. 3 минутта қанша соққы жаудыруға болады?!Физикасымен айналысуға арнайы шақыртылған маман қайда қарап жүр? Ғылыми топ қайда? Неге біздің боксшылардың демі жетіспей жүр? Неге үш раунд аяқта тұра алмайды? Бәрің шұбырып, не істеп жүрсіңдер? Бір сұрақ: әрбір боксшы лицензия алғаннан Олимпиадаға дейін неше кездесу өткізді? Тәжірибе бар ма? Мысалы, мен жарты жылдың ішінде 22 кездесу өткіздім. Бас бапкерге айтатын сөзім жоқ тіпті!», — деді Бақыт Сәрсекбаев. Айта кетейік, бүгін 57 кг салмақ дәрежесінде жұдырықтасқан Махмұд Сабырхан қарсыласына есе жіберді. Оған дейін құрама капитаны Асланбек Шымбергенов пен Қамшыбек Қоңқабаев жарыс жолынан шығып қалды.
Посмотреть эту публикацию в Instagram
Altyn-orda.kz сайты 2009 жылдың қазан айынан бастап жұмыс жасауда. Біз 13 жыл бойы еліміздегі және әлемдегі маңызды ақпараттарды таратудамыз.
Материалды көшіріп басу кезінде Altyn-orda.kz сайтына тікелей гиперсілтеме көрсету міндетті.
Енді бізде өзіміздің мобильдік қосымша бар. Барлық уақытта маңызды жаңалықтардан хабардар болыңыз! Көшіріп алыңыз!
