Жаңа Жібек Одағы: Қазақстан мен Қытай стратегиялық серіктестікті нығайтты

Өзара тиімді саудаға, инвестиция мен инфрақұрылымдық жобаларға негізделген қазақстан-қытай әріптестігі Еуразияда жаңа тұрақтылық архитектурасын қалыптастыруда, деп хабарлайды Altyn-orda.kz.

2024 жылы екі ел арасындағы тауар айналымы рекордтық 44 млрд долларды құрап, Қытай Қазақстан экономикасына 27 млрд доллардан астам инвестиция салды. 6000-нан астам қытайлық кәсіпорын елде жұмыс істейді.

Негізгі бағыттар – көлік дәліздерін дамыту, мұнай-газ инфрақұрылымын кеңейту, цифрландыру мен «ақылды логистика», сондай-ақ ауыл шаруашылығы және мәдени-гуманитарлық ынтымақтастық.

30 тамызда Тяньцзиньде Президент Қасым-Жомарт Тоқаев пен ҚХР Төрағасы Си Цзиньпин кездесіп, серіктестіктің «ең жоғары деңгейге» жеткенін атап өтті. Тараптар энергетика, көлік, жасанды интеллект пен қауіпсіздік салаларында бірлескен жобаларды жалғастыруға уағдаласты.

Қазақстан мен Қытай бүгінде идеологиялық емес, прагматикалық және ұзақ мерзімді стратегиялық одақ құру үлгісін көрсетуде.