Астана. 27 ақпан. BAQ.KZ. Латын қарпіне көшудің өз қиындықтары болатыны аз айтылып жүрген жоқ. Біз қиындықтың болатынын біле тұра, болашақты ойлап, осындай жолды таңдадық. Осы ретте, қазақ әліпбиінің латын графикасына көшуі экономикалық тұрғыда қаншалықты әсер ететініне ҚР Ұлттық ғылыми порталының тұжырымына сүйеніп,таразыласақ.
Латын қарпіне көшу үдерісі бірнеше елдерде жүріп жатыр. Бұл – кейбір мемлекеттер үшін тәуелсіздікке қол жеткізудің алғашқы кезеңі. Қазір әлемдік ақпарат көздерінің дені ағылшын тілінде. Сондай-ақ, ақпараттық технологияда да латын қарпінің атқаратын міндеті орасан. Компьютер мен ғаламтордың тілі де латынша қаріптерге жүйрік. Әлемдегі 4 млрд.-қа жуық адам латын қаріптеріне танитыны тағы бар.
Егер, таңбамызды ауыстыруда экономикалық қателіктерге бой ұрындырмасақ, латын қарпіне көшуіміздің өзі кез келген шығынның орнын толтыра алады. Газеттер мен журналдар, оқулықтар, кітаптар, басқа да дүниелер, компьютерлерде қазақтың қарпін орнату, жаңа әліпби бойынша оқыту жүйесін жетілдіруге көп шығындаламыз.
Латын қарпіне көшуде асығыстық танытпауды, байсалды, байыпты қадам жасауды нұсқап отыр.
– Латын қарпіне көшу жұмыстары эволюциялық жолмен, кезең-кезеңімен жүзеге асуы тиіс;
– Кириллицадан да біржола қол үзбей, посткеңестік елдердің ортақ қолданысы негізінде латын қарпіне көшкен қазақ тілімен қатарласып жүре беруі тиіс;
Сондай-ақ, Әзірбайжан, Өзбекстан, Молдовия, Түркіменстан және Түркияның қаріп ауыстырудағы тәжірибесін назарға алып, латын қарпіне көшу туралы тұжырымдаманы бекіту керектігін айтады.
Ж.Смайлов.
http://www.baq.kz/news/23907
