Астана жаһандық диалог алаңына айналды

Мемлекеттік қызмет дамуын­дағы жаңа кезеңді белгі­ле­ген Нұрсұлтан Назарбаев­тың 2020 страте­гиялық бағдарламасы аясын­­да Қазақстанға алдыңғы қатарлы халықаралық тәжіри­бемен алмасу аса маңызды еке­нін атап өтті, Мемлекеттік қыз­мет істері агенттігінің төрағасы Әлихан Байменов. Ол өз кезе­гінде Қазақстан дүниежүзі сарап­шыларының жоғары баға­сына ие болған озық тәжі­ри­бесімен бөлісуге даяр екендігін мәлімдеді.Сонымен бірге жиында Еуропа Одағының ел­шісі Аурелия Бушез, БҰҰ Даму бағдарламасының Қазақстандағы тұрақты өкілі Стивен Тулл жылы лебіздерін білдірді. Жаһандық кон­ферен­цияға АҚШ, Германия, Ресей, Сингапур, Түркия, Бельгия және тағы басқа елдердің сарапшылары мен мемлекеттік қызмет сала­сындағы ресми өкілдер қатысты. Айта кету керек, сарапшылардың бір бөлігі мемлекеттік қызмет саласындағы қазақстандық моделді жоғары бағаласа, енді бір бөлігі осы бағыттағы соңғы жа­ңа­­лықтарды өз елдеріне енгізуге ықылас танытып отыр.

Иракли КОТЕТИШВИЛИ, Грузия мемлекеттік қызмет мәселелері жөніндегі Бюро дирек­торы:
– Қазақстан мен Грузияның мемлекеттік қызмет саласында ұқсас және өзгеше тұстары бар. Осы жолы біз Қазақстанның тәжірибесімен танысуға келдік. Сонымен бірге өзіміздің тәжіри­бемізбен бөлісе аламыз. Осы жолы біз өзара ынты­мақ­тастығымызды нығайта түстік. Қазақстанның Мемлекеттік қызмет істері агенттігімен өзара түсіністік туралы меморандумға қол қойдық.

Ахмад МОШАХЕД, Ауған­станның әкімшілік рефор­ма және мемлекеттік қызмет тәуел­сіз комиссиясының төра­ғасы:
– Қазақстанның мемлекеттік қызмет саласында терең әрі ауқымды жұмыстар жасалған. Әсіресе, басқарудың «А» және «Б» корпустарын құру және мем­лекеттік қызметке өтудің кон­курстық іріктеу механизмдері ту­ралы мол ақпарат алдық. Біз осында көргендеріміз бен білгендерімізге сүйене отырып, осындай әкімшілік рефо­р­ма­ларды Ауғанстанда өткі­зе­ті­німіз сөзсіз.

Александр ТУРЧИНОВ, Ресей Федерациясы Прези­ден-тінің жанындағы Ресей халық шар­уашылығы және мемлекеттік басқару академиясы Мемлекет­тік қызмет және персоналды басқару институты директоры:
– Ең алдымен Қазақстанда мемлекеттік қызметкерлерді әкім­шілік және саяси деп бөл­ген­дері өте дұрыс. Бұл мем­лекет­тік басқару жүйесіне тек жақсы жағынан әсер етеді. Себебі әкімшілік қызметкерлер кәсіби мамандар, ал саясатпен айны­ла­сатындар келеді, кетеді. Қазақстанның тәжірибесі қызықты. Бұл басқару жүйесінде тиімді, кәсі­би, білікті шешімдер қабыл­дауға мүмкіндік береді.

Аймақтағы көшбасшы ел
Стивен ТУЛЛ, БҰҰ Даму бағдар­ламасының Қазақстандағы тұрақты өкілі:
– Реформалар әлемдік деңгейдегі ең озық тәжірибеге сай өтуде. Олар мемлекеттік қыз­мет саласын тиімдірек әрі ашық етуге бағытталған. Түптеп келгенде оны әр бір қазақстандық өздеріне көрсетілетін мемлекет­тік қызмет сапасы арқылы сезі­не­тін болады деп сенемін.

Стефан КОНДРИ, АҚШ Жалақы бойынша федералдық кеңесінің төрағасы:
– Біз Қазақстан мемлекеттік қызмет саласында көшбасшы болады деп сенеміз. Мұнда бұл саланы жетілдіру бойынша шетелдік әріптестермен көп жұ­мыстар жасалынуда.
Джордж МИРОГИЯННИС, Еуропа Одағының «Қазақстан үкіметі мемлекеттік қызметін реформалау және модерни­за­ция­лау» жобасының жетек­шісі:
– Қазақстанның мемлекеттік қызмет саласын реформалау бағытында өте үлкен қадамдар жасалды. Ең алдымен құқықтық жүйедегі өзгерістерді, оның ішін­де жаңа заңнаманың қабыл­данғанын атап өткім келеді. Сонымен бірге әлемнің ең беделді оқу орындарымен бірлесе отырып, мемлекеттік қызмет­керлерге біліктіліктерін жетілдіру тренингтері өткізілуде. Қазақстан өңірдегі ең үздік әрі табысты ғана емес, одан кеңірек аймаққа да үлгі бола алады.

Анни ДЕМИРЖАН, Мемле­кет­тік басқару саласын­дағы демократиялық практика жетек­шісі, БҰҰ ДБ Братиславадағы Еуропа және ТМД өңірлік орталығы:
– Қазақстан қазір кәсіби мемлекет пен кәсіби қызмет-керлерді даярлауға ұмтылып отыр. Ал мемлекеттік басқару мен мемлекеттік қызмет сала­сын­дағы адами ресурстар маңыз­ды екені анық.
Суквиндер Сингх Чопра, тәуел­сіз кеңесші, Ли Куан Ю атын­дағы Мемлекеттік саясат мектебінің әкімшілік дирек­торы(2005-2011):
– Мен бұл елге осымен үшінші рет келіп отырмын. Бұған дейін үкімет басшы­лығы­мен, мамандарымен, сарапшыла­рымен жүздестім. Қазақс­танның осы саладағы жұ­­­мыс­­тарымен таныстым. Қазақс­­тандағы реформалар өте та­маша! Жылдам жүзеге асуда. Реформалар бойын-ша саясат анық әрі жүзеге асыру тетіктері айқын. Қазір қолға алынып жатқан бас­тамаларға қарағанда, олар халық­аралық тәжірибеге сүйенеді әрі жаңа идеяларға ашық. Сонымен бірге қазақс­тандық ерек­шелік-терді қоса ескереді.Әсіресе, «А» басқару кор­пусына қатысты «браво!» дегім келеді. Енді келесі қадам  сы­байласқан  жемқорлыққа қатысты шаралардың кеңеюі болатын шығар деп ойлаймын. Электронды үкіметті енгізу де– маңызды әрі жақсы идея. Мем­лекеттік қызметті рефор­малау сыбайласқан жемқорлық­пен күресте ең бір тиімді шара болып саналады.

Тақырыпқа орай:
Астана экономикалық фо­румы аясында тұңғыш рет Дағдарысқа қарсы дүниежүзілік конференция өткізіледі. Оған БҰҰ Бас Ассамблеясы қолдау көрсетіп отыр. Кон­ференция қатысушылары қорытынды декларация мен Дағ­дарысқа қарсы дүниежүзілік жоспар жоба­сының негізгі бағыт­тарын дайын­дайды, олар алдағы уақытта БҰҰ мүше елдері наза­рына ұсынылады. Форум мен конфе­ренцияның басты талабы: әлемдік эконо­миканың теңге­рімделген эконо­микалық өсуін қамтамасыз ету мәселесінде шешімдер іздеуге бағыт­тала­тын­дығы айтылған Мемлекет басшы­сының форум қатысушыларына арнаған үн­деуін­де.

Дайындаған:
Нұржан ЖЕҢІС