[:kz]
Нұрғали Нүсіпжанов байлығы жоқ екенін айтты, деп хабарлайды Stan.kz ақпарат агенттігі «Астана» арнасына сілтеме жасап.
82 жасқа келіп, төсек жаңғыртқан өнер иесі Нұрғали Нүсіпжановтың бұл шешіміне әркім әртүрлі пікір айтты. Бірі әншіні сынның астына алып, бұл қылығын ұят деп бағаласа, енді бірі қолдау көрсеткен. Дегенмен, қатты сынға іліккен Нұрғали Нүсіпжановтың жас келіншегі болды. Жұрт оны есеппен үйленді деп ойлап қалған.
Дегенмен, өнер иесі біраз жыл бұрын «Астана» арнасына берген сұхбатында пәтерде тұратынын айтқан болатын.
«Жәй үй салып, кеңірек тұру керек еді. Кемшілігім сол, мойныма алдым. Иә коммуналды пәтерде тұрамыз», — дейді Нұрғали Нүсіпжанов.
Нұрғали Нүсіпжанов үлкен үй салу мәселесі мойнында екенін де айтқан. Бұл туралы үйдегі жеңгелерің де жиі айтып отырады деп түсіндірген болатын өнер иесі. Осы уақытқа дейін ешкімнен көмек сұрап көрмегенін де айтып қалды әнші.
«Анда-санда сөздің тіркесі келген кезде жеңгең талай көмек сұрап, көкелерден алу керек еді ғой деп айтып қалады. Жарқырап көрініп жатса екен деген ой болмайды», — дейді Нұрғали Нүсіпжанов.
[:]
