[:kz]
Қостанай облысы Жамбыл ауылында жоғалған бес жастағы Мадина Ерланқызын іздестіру әлі жалғасып жатыр.
Түнде сағат 12-ден аса жүгері алқабынан басқа маңда үйілген құмнан ойнаған баланың ізі табылған. Бұл туралы волонтер Асылан Кенжетай интернет желісінде хабарлады, деп жазады inbusiness.kz.
Сонымен бірге «Дельта-С» компаниясы басшысы Сергей Хоменко кешкі уақытта әуеден іздестіру үшін мотодельтаплан ұсынды.
Оның кәсіпорны Қостанай облысы бойынша авиациялық-химиялық жұмыстармен айналысады. Әуеден іздестіру Тобыл өзенінің алқабы, арнасының бойымен жүзеге асырылады.
Еске саламыз, 7 тамызда үйдегі әпкелері ұйықтап жатқанда кішкентай қыз сыртқа шығып кеткен .
[:]
