[:kz]
Нұрсұлтан Назарбаев қоры – дарынды жастарды қолдау, ерекше қажеттілігі бар балаларға сауықтыру жобаларын жүзеге асыру, мемлекеттік тілді қолдау, қайырымдылық көмек көрсетуге арналған коммерциялық емес ұйым
Нұрсұлтан Назарбаев қоры «Қазақстан халқына» қорына 500 миллион теңге аударды, деп хабарлайды Sputnik Қазақстан.
«Қазақстанның Тұңғыш президенті – Елбасы тапсырмасы бойынша Нұрсұлтан Назарбаев қоры «Қазақстан халқына» қоғамдық әлеуметтік қорына 500 миллион теңге аударды», — делінген хабарламада.
Нұрсұлтан Назарбаев қоры – дарынды жастарды қолдау, ерекше қажеттілігі бар балаларға сауықтыру жобаларын жүзеге асыру, мемлекеттік тілді қолдау, қайырымдылық көмек көрсетуге арналған коммерциялық емес ұйым.
Айта кетері, мемлекет басшысы Қасым-Жомарт Тоқаевтың тапсырмасы бойынша «Қазақстан халқына» қоғамдық әлеуметтік қоры құрылды. Белгілі қаржыгер, экономист Болат Жәмішев «Қазақстан халқына» қоғамдық әлеуметтік қорының төрағасы болып бекітілді. Қазақстан халқына» қоры халық проблемаларының шешімін табу бойынша жұмыс істейді.
Жәмішев қор мемлекет қызметін қайталамауы керек екенін айтты. Ол бюджет орнын алмастыратын ұйым болмайтынын атап өтті. Әлеуметтік салаға және басқа да мақсаттарға арналған барлық бюджет шығыны толық көлемде бөлінуге тиіс. Біз қандай да бір жеке бастамаларды алмастырмаймыз. Қайырымдылық қорлары арқылы орынды қаржыландырылатын бағдарды табуымыз керек, деген болатын.
[:]
