[:kz]
Шырын Нарчаева сұхбатқа ақша алатынын туралы айтты, деп хабарлайды Stan.kz ақпарат агенттігі Oybay SHOW бағдарламасына сілтеме жасап.
Сәукеле киіп төсін жалаңаштаған Шырын Нарчаева енді сұхбат бергені үшін қаражат сұрап, өзін адамдардан алшақ ұстағанды жөн көрген екен. Атышулы қыз өзінің бейнежазбалары көп көрілім жинайтынына сенімді. Алайда, қазір ол кез келген жобаға қатыса бермейді, оның өзіндік талғамы мен таңдауы да жоқ емес.
«Бұл менің бірінші сұхбатым. Неге ақша сұрайсың десеңіздер, бұл видео көрілім жинайды. Мен жай ғана сенімді емеспін, білемін. 200-300 мың көрілім жинайтыны анық. Жобаларға қатысатын кезде мен сценарийге қатты қараймын», — дейді Шырын Нарчаева.
Жартылай жалаңаштанып жарнамаға түсуге қысылмайтын қыз бәрінде бар нәрседен ұялудың қажеті жоқ деп шорт кесті. Адамдардың пікірін елемегендей болса да, Шырын Нарчаева көңілшек екендігін айтқан.
«Жақында бір жарнамаға түстім. Мен іш киіммен жүру керек едім. Мен мұны қатты ұят санамаймын. Төс бәрінде бар. Сіздердің пікірлеріңіз маңызды емес, бірақ жүрегіме тез қабылдап қаламын. Бәрібір сияқты қарасам да, іштей жаман боламын», — дейді Шырын Нарчаева.
[:]
