[:kz]
Коронавирус індетінен ем іздеген кей елдердің халқы әлем жұртшылығының таңданысын тудыруда. Олар дәрі-дәрмекті шипа етуден гөрі өзгеше таңғаларлық әдістермен емделуді жөн санаған деп хабарлайды KAZ.NUR.KZ порталы
Сиырдың зәрі
COVID-19 дертімен күресте ең оғаш әдіске жүгінген ел — Үндістан. Сиырды қасиетті санайтын үндістандықтар оның зәрі кез келген дертке шипа болатынына сенімді.
Тіпті коронавирусты да ірі қараның зәрімен емдеуге кіріскен. Ол үшін тек екі шарт орындалуы тиіс екен — сиыр «пәк» болуы тиіс әрі оның зәрін күн шыққанға дейін ішіп үлгеру керек екен-мыс
Алайда ақылға қонымсыз бұл ем түрі көпшіліктің қатаң сынына ілігуде. Адыраспан
Түркіменстан халқы болса коронавирустан адыраспан құтқаратынына сенім білдіруде. Ел президенті үйді адыраспандаса, оның түтіні дертке шипа болатынын алға тартқан. Ол коронавирусты жұқтырмау үшін ата-бабадан қалған адыраспандау дәстүрін пайдалануға кеңес берді.
Сарымсақ
Шешенстан басшысы Рамзан Қадыров болса, халқына сарымсақ жеу керектігін айтуда. Ол сарымсақ жеп, лимон мен бал араласқан суды ішу қанды тазартатынын алға тартып, көпшілікке осы әдіспен коронавирустан емделуге кеңес берді
[:]
