[:kz]
Ақтөбедегі танымал Instagram парақшасына оқырмандардың бірі жантүршігерлік жағдай туралы баяндады. Онда таңғы уақытта теміржол бойында отырған белгісіз адамның жүргіншілерге «Аллаху акбар» деп оқ жаудырғаны айтылған. Бұл туралы өңірдегі KAZ.NUR.KZ тілшісі хабарлайды.
Көрнекі фото: autocentre.ua
Оқиғаның қаншалықты рас екендігі белгісіз. Себебі, желіге шыққан хабарландыру арқылы оқиға орнына барлау жасаған тәртіп сақшылары күдікті ештеңе байқамаған.
«Ол оқиғаның болғанын, не болмағанын ешкім білмейді. Instagram-ға шыққан жазбаға қатысты нақты дәлел жоқ. Полицияға арыз түскен жоқ.
Қазір адамдар полициядан бұрын желіге жазады. Шыққан ақпаратқа қатысты анықтау жұмыстары жүріп жатыр.
Оқиға орнына қосымша жасақ жіберілді, әзірге ештеңе анықталған жоқ»,-деп хабарлайды ПД баспасөз қызметі.
Фото: Жазбадан скриншот
[:]
