[:kz]
Алдағы күндері елімізде ауа температурасы климаттық нормадан төмен болады. 22-24 қазанға арналған ауа райы болжамын жасаған синоптиктер осылай дейді, деп хабарлайды Stan.kz ақпарат агенттігі «Қазгидромет» РМҚ-ға сілтеме жасап.
Мамандардың болжамынша, Қазақстанның аумағына келген антициклонның әсерінен республиканың солтүстік бөлігінде ауа температурасы 8-13° аязға дейін төмендеп, жауын-шашын тоқтайды.
«Алдағы үш күнде антициклонның әсері біртіндеп әлсірейді, ауа температурасы жоғарылайды және атмосфералық фронттардың өтуімен, республиканың тек қиыр солтүстігі мен батысында жауын-шашын күтіледі», — дейді синоптиктер.
[:]
