Күнделікті ас үйде қолданылатын картоптың тамаша емдік қасиеттерін көп адам білмейді. Картопты қолдана отырып үй жағдайында біраз ауруды емдеуге болады. Бүгін сіздерге картоптың емдік қасиеттері жайлы біраз мағлұмат ұсынамыз.
Қазірге кезде жүкті әйелдермен қатар ер кісілерді де көп мазалайтын варикоз ауруын емдеуде картопты қолдануға болады.
Тамырлары ісіп тұрған орындарға күніне бірнеше рет картоп шырынын жағу қажет, немесе картоптың шырынына малынған таңғышты аяққа таңып қоюға болады. Бұл процедура кезінде картоп шырынын ішуде көп пайда береді.
Күйік
Аршылған картопты үккіштен өткізіңіз. Үгітілген картопты дәкеге қойыңыз. Дәкені 3-4 рет бүктеңіз және тері зардап шеккен жерге бинттеңіз. 2 сағаттан соң қоспаны алып тастап, жаңасын қойыңыз.
Бірден қайнаған май немесе қайнаған суға күйіп қалған кезде күйген жерге картоп қойыңыз. Ауырсынуы басылғанша 2-3 минут сайын картопты ауыстырыңыз. Картоптың арқасында күйген жерде жара қалмайды. Жаралар крахмалдың қорғаныс қабатымен қапталады.
Жәндіктер шағып алса
Шағып алған жерге картоп тілімдерін бекітіңіз, шаққаннан кейінгі қышу тез өтіп кетеді.
Созылмалы тонзиллит
1 стақан суда 1 ас қасық картоп гүлін қайнатыңыз. Бұл тұнбамен күніне 3 рет, 10 күн тамағыңызды шайыңыз. 1 ай үзіліс жасап, курсты қайталаңыз.
Өкпе туберкулезі
Қабығымен қоса дайындалған картопты тұтыныңыз және шілдеден бастап ақпанға дейін картоп шырынын ішіңіз.
Картопты үй жағдайында косметологиялық мақсатта да қолдануға болады. Картоптан бет терісін сергітетін, сонымен қатар нәрлендіріп, әжім басқан теріні тегістейтін маска жасауға болады.
Ол үшін: картопты турап оған қаймақ қосып араластырыңыз. Маска дайын. Оны бетке жағып, 20 минуттан кейін жуып тастаңыз. Осындай жасалуы оңай маскаларды қолдану арқылы сіз бет терісіңізге күтім жасай аласыз. Әсері де өте жақсы.
Деніңіз сау болсын!
Дайындаған: Сайтбеков Әбдімәлік
http://anabol.kz/
