[:kz]
… Байқауымша, соңғы кезде балалардың көпшілігінің тілі кеш шығатын болып жүр. Мұны себебі неде?
Ақнұр НҰРҚАСЫМ,
Алматы.
Бала тілінің кеш шығуының себептері көп. Ең негізгілерінің бірі:
а) есту қабілетінің бұзылуы. Егер балаңыздың жақсы естімейтінін, аз немесе түсініксіз сөйлейтінін байқасаңыз, тез арада дәрігерге көрсетіңіз.
б) мидағы дисфункциялар. Бұл орталық жүйке жүйесінің бұзылуы салдарынан болады. Ондай балалар көп қозғалмайтын, самарқау болып келеді.
Сөйлеу сапасы – адамның интеллектуалды және эмоционалды дамуының көрсеткіші. Сондықтан ата-ана баланың сөйлеу мүмкіндіктерін қадағалап отыруы тиіс, сәби сөзді түсініп қана қоймай, өзі сөйлеуге талпынатындай, сөздерді қолданатындай жағдайға жетуі қажет.
Өкінішке қарай, қазіргі қарбалас уақытта адамдардың бәрі жұмыспен, тіршілік қамымен жүріп, бала тілінің дұрыс шығуына көңіл бөле бермейді. Баланы логопедке тек мектеп жасына таянған шағында, яғни кеш алып келеді. Өздері де үйде баламен мүлде жұмыс істемейді, сөйлетуге тырыспайды. Ал бала өзіне назар аударылмаған сайын тұйықталып, тілінің шығуы тежеле береді.
http://www.zhasalash.kz/
[:]
