[:kz]
Алматы әкімдігі желтоқсанның 26-нан 27-не қараған түні қалың қар жауатынын ескертті. Сондай-ақ, қала басшылығы тұрғындардан қар тазалау жұмыстарына түсіністікпен қарауды және көше бойына көлік қалдырмауды сұрады. Тазалау жұмыстарына автокөлік кедергі келтірсе, оны эвакуатормен алып тастаймыз, деп ескертті биліктегілер.
“Желтоқсанның 26-нан 27-не қараған түні Алматыда қалың қар жауады. Осы орайда Алматы әкімдігі қар тазалау жұмыстарына түсіністікпен қарауды және автокөлікті көше бойына қоймауды сұрайды, әсіресе түнгі уақытта”, – делінген мәлімдемеде.
Алматы басшылығы қар тазалау жұмыстарына кедергі келтірген автокөліктерді эвакуатормен алып тастайтындарын ескертті. Басшылықтың айтуынша, жеке автокөлік иелері бұл күні қоғамдық көлікті пайдаланса игі. Себебі қар қалың жауатындықтан, жол апаты болу қаупі жоғары.
Жеке автокөлікті пайдаланған жағдайда, әкімдік жылдамдықты төмендетіп, қашықтықты сақтап, кенеттен қимыл-қозғалыс жасамауға шақырды.
Источник: Stan.kz
[:]
