АСТАНА. 2 наурыз. BAQ.KZ — Адамның қартая бастаған шағында пессимист болуы оның өмірін ұзарта түспек. Германияның Эрланген – Нюрнберг университетінің ғалымдары 400 мың адамның мәліметтеріне талдау жасап, осындай қорытынды шығарды, деп жазады Алаш айнасы.
Science20.com порталының хабарлауынша, ғалымдардың зерттеуі 1993-2003 жылдардағы мәліметтерді қамтиды. Бақылауға алынғандар арасында 18-дегі жас та, 96-дағы кәрі де бар. Респонденттерден алдағы бес жылға көзқарасы туралы сауалнама да алынды. Зерттеудің нәтижесінде 65-тен асқандардың 43%-ы өз мүмкіндіктері мен келешек жоспарларын жоғары бағаламайтыны белгілі болды. Ал 32%-ы өз мүмкіндіктерін асыра бағалаған. Бірақ бұл соңғы топтың арасында оптимист бола тұра, денсаулығына немқұрайды қарайтындар көп болып шықты. Тіпті көбі ауыр науқасқа шалдығып, кейбірі өмірден өтіп те кеткен. Ғалымдар пессимист қариялардың өз денсаулығына, керісінше асқан жауапкершілікпен қарайтынын анықтады.
http://www.baq.kz/news/24129
