Moscow Halal Expo 2014 көрмесі аясында 7-8 маусым күндері бірінші халықаралық ислам сән үлгілері форумы өтеді, деп хабарлады IslamNews.ru.
«Ислам стилі» фестивалі подиумына арналған топтама көрсетілімі алғаш рет тек қана дизайнерлік студияларды ғана емес, сонымен бірге сатып алушыларға қолжетімді діни киім-кешектердің өндірістік брендтерін де топтастырады», — делінген форумды ұйымдастыру комитетінің хабарламасында.
Форум халал өлшемдеріне сәйкес келетін киім-кешек, аксессуарлар, косметика және иіс сулар сату және шығару саласындағы компанияларды алға жылжыту, сондай-ақ жаңа жұмыс орындарын құруға және білікті мамандардың жұмысқа орналасуына жәрдемдесу үшін тұғырнама қалыптастыруға бағытталған.
Форум аясында muslim fashion нарығының қатысушылары мен сарапшылары оның даму қарқыны мен үрдістеріне қатысты пікір алмасатын болады — ҚазАҚПАРАТ.
Дуанабай Жолдасбек
http://www.aikyn.kz/articles/view/50865
