Алматы қаласы әкімінің орынбасары болып Алмасхан Сматлаев тағайындалды. Тиісті шешім қала әкімі Дархан Сатыбалдының өкімімен қабылданып, ҚР Президенті Әкімшілігімен келісілді деп хабарлайды Altyn-orda.kz
Сматлаев қаладағы экология, энергетика, көлік және коммуналдық шаруашылық салаларына жетекшілік етеді.
36 жастағы жаңа орынбасар-әкім Ресей Федерациясы Үкіметі жанындағы Қаржы университетін және АҚШ-тағы Блумсберг университетін бітірген.
Мамандығы – «экономика», «халықаралық экономика», «қаржы және несие».
Сондай-ақ мемлекеттік басқару магистрі дәрежесіне ие.
Алмасхан Сматлаев еңбек жолында Еуразиялық экономикалық комиссияда, Шығыс Қазақстан облысы әкімдігінде түрлі қызметтер атқарған, сондай-ақ бірінші орынбасар-әкім болған. 2023 жылдың тамызынан бері ҚР Президенті Әкімшілігінің мемлекеттік инспекторы қызметін атқарды.
