Асхат Аймағамбетов мешіт пен шіркеуде тіркелетін неке заңсыз екенін айтты
Кеше, 17 сәуір мәжіліс кулуарында депутат Асхат Аймағамбетов қазақстандықтардың АХАЖ-да заңды түрде некесін қимай тұрып, некеге тұратынына қатысты пікір білдірді. Оның айтуынша, бұл – заңсыз, деп хабарлайды “Адырна” ұлттық порталы.
Мәжілісменнің айтуынша, қазақстандықтар некелерін ресми түрде тіркемей, имамның неке қию рәсімімен шектеліп жатыр.
«Сіз айтып тұрған әрекеттерді құптамаймын, тіпті заңсыз деп есептеймін. Бізде тиісті тәртіп бойынша ресми тіркелген неке ғана заңды болып есептеледі. Ресми тіркеусіз қиылғанның бәрі неке болып есептелмейді. Демек, мешітте немесе шіркеуде ғана қиылған неке заңды неке бола алмайды», — деді ол.
Сондай-ақ, Асхат Аймағамбетов заңда бұл мәселе айқын реттелгенімен, мешітте ғана неке қия салу трендке айналып бара жатыр деп есептейді.
«Шын мәнінде бұл заңға қайшы. Біз – зайырлы мемлекетпіз. Неке қиюдың заңмен белгіленген тәртібі бар. Ресми тіркеусіз неке қиятын діни қызметкерлердің жауапкершілігін талқылап, талдау керек. Мен бұл мәселемен айналысамын», — деді Асхат Аймағамбетов.
Altyn-orda.kz сайты 2009 жылдың қазан айынан бастап жұмыс жасауда. Біз 13 жыл бойы еліміздегі және әлемдегі маңызды ақпараттарды таратудамыз.
Материалды көшіріп басу кезінде Altyn-orda.kz сайтына тікелей гиперсілтеме көрсету міндетті.
Енді бізде өзіміздің мобильдік қосымша бар. Барлық уақытта маңызды жаңалықтардан хабардар болыңыз! Көшіріп алыңыз!
