«Домбыра тартпа, сәлем салма, бетті ашпа, тұсау кеспе». Нұрлан имам қара жамылғандармен күресу керегін айтты

Әлеуметтік желілерде өте танымал Нұрлан имам «көзін тұмшалап, қара жамылатындарға» қатысты өз ойын айтты, — деп хабарлайды  Altyn-orda.kz         Massaget.kz тілшісіне сілтеме жасай отырып .

Нұрлан имамның айтуынша, қара жамылу біздің дінімізде де, салтымызда да жоқ. 

Қоғам қайраткері, мәжіліс депутаты Мұрат Әбенов те соңғы кезде қазақ ұлтының ежелден келе жатқан анау дәстүрі харам дейтін насихатшылардың көбейгенін айтты.

«Осылай нақты айтатын имамдар керек. Және олар ресми түрде Муфтиятқа қатысты имамдар (Нұрлан имам сияқты) тек Әбу Ханифа мазһабын ұстанатындар ғана болуы міндетті. Өз-өзін “ұстаз” деп атайтын, түсініксіз ағымдардың өкілі емес. Соңғы кезде қазақ ұлтының ежелден келе жатқан анау дәстүрі харам, мынау заты сәйкес келмейді, мына киім дұрыс емес деп араңдататын “уағыз” айтатындар көбейді. “Домбыра тартпа, сәлем салма, бетті ашпа, тұсау кеспе” — деп халықты ашуын туғызатын насихатшылар пайда болды.

​ Қазақ ислам ді­­нінің «Әбу Ханифа» мазһабын, яғни Ха­нафи бағытының байырғы түркілік салт-дәс­түрдің ислам дініне қайшы келмейтін тұс­тарын сақтап қабылдаған. Мысалы, қазақ даласында адам қайтыс болғаннан кейін дүние-мүл­кімен, мінген атымен жерлеу дәстүрі болғанын археологиялық қазбалардан көреміз. Олар исламға қайшы келетін болғасын осы жерде тұрғандар сол баяғы кездерде ол дәстүрден бас тартқан. Демек, қазақтың осы кез­ге дейін орныққан салт-дәстүрлерінің бә­рі дінмен үйлескен, сәйкес келтірілген ұлттық құндылық. Оларды казір ревизия жасап, жоққа шығарудың қажеті жоқ. Бізге Ханафи мәзһабы Ислам құндылықтарын ұлттық салт-дәстүрлермен ұтымды ұштастыра білгені үшін аса маңызды», — деп жазды Мұрат Әбенов.