Енді мәжбүрлеп некеге тұрғызу Қазақстанда қылмыс болып саналады

16 қыркүйектен бастап Қазақстанда қылмыстық заңнамаға түзетулер күшіне енді. Енді адамды ұрлау мен некеге мәжбүрлеу үшін қатаң жаза қарастырылған 

Фото ©️ Tengrinews.kz / Алихан Сариев

Қылмыстық кодекстің 125-бабындағы жеңілдететін норма алынып тасталды: жәбірленушіні өз еркімен босатқан күннің өзінде қылмыскерлер жазадан құтыла алмайды. Сонымен қатар жаңа 125-1-бап енгізілді – «Некеге тұрғызуға мәжбүрлеу». Ол айыппұл мен түзеу жұмыстарынан бастап, екі жылға дейін бас бостандығынан айыруды көздейді. Ауыр салдар болған жағдайда жаза мерзімі 10 жылға дейін жетуі мүмкін.

Түзетулер «алып қашу» дәстүрін де қылмыс ретінде таниды. Құқық қорғаушылардың айтуынша, мұндай әрекеттер қыздардың психологиялық денсаулығына ауыр зардап тигізеді.

Жаңа заң мемлекет мәдени әдет-ғұрыптарды адам құқықтарын бұзуға сылтау ретінде қабылдамайтынын көрсетті.

Altyn-orda.kz