Қазақстанның мақтанышы, әйгілі боксшы Геннадий Головкин әлемдік деңгейдегі ең беделді марапаттардың біріне ие болды. Ол Халықаралық бокс Даңқ залына енгізілді. Бұл — Головкиннің спорттағы ұзақ жылдық еңбегінің, мықты шеберлігі мен әлемдік аренадағы зор беделінің мойындалуы деп хабарлайды Altyn-orda.kz
Головкин — бұл тізімге енген алғашқы қазақстандық спортшы. Оның есімі енді тарихта мәңгі қалады.
Спорт сарапшыларының айтуынша, GGG-дің мұрасына аса жоғары баға берілуі — заңдылық. Ол кәсіби рингте талай рекорд орнатып, орта салмақта ұзақ уақыт бойы үстемдік құрды. 42 жеңіс, 37 нокаут, әлем чемпиондық белбеулер — бәрі оның ерекше деңгейін дәлелдейді.
Даңқ залына енгізу рәсімі 2026 жылы АҚШ-та өтеді.
Бұл жаңалықты естіген көптеген жанкүйерлер Головкиннің аты тек Қазақстанның емес, бүкіл әлем боксының тарихында алтын әріппен жазылғанын атап өтуде.
фото sports.yahoo.com нан алынды
