«Қазақ әндері бізге жарамайды». «Business FM» радиосының бас директоры пікір білдірді

«Business FM» радиосының бас директоры Рустам Мақсұтовтың қазақ әндері туралы пікірі әлеуметтік желіде наразылық тудырды, деп хабарлайды “ Адырна” ұлттық порталы

Радиостанциялардың, тыңдармандардың өз талғамы бар. Негізі қазақтілді аудиторияға арналған әндер біз ұсынып отырған талаптарға сай бола бермейді. Бұл — мейрамханалар мен кафелерде айтылатын әндер. Сондықтан бұл біздің форматқа сәйкес келмейді, – дейді Рустам Мақсұтов.

Сондай-ақ, ол бизнес пен экономикаға қатысты қазақ тілінде контент ұсынатындар аз екенін жеткізді.

Соңғы бес жылда біз бизнес пен экономика туралы ақпаратты сенімді әрі дұрыс жеткізе алатын білікті кадрларды таба алмай отырмыз. Яғни, бұл — өте ауқымды мәселе. Орыстілді адамдар мен бизнес туралы әдебиеттер бар, бірақ қазақтілді аудитория үшін іс жүзінде жоқ, — деді Business FM бас директоры.