2025 жылдың басынан бастап Қазақстанда мүгедектік және асыраушысынан айырылу бойынша әлеуметтік төлемдерге 310 миллиард теңгеден астам қаражат бағытталды, деп хабарлайды Altyn-orda.kz Еңбек және халықты әлеуметтік қорғау министрлігіне сілтеме жасап.
Бұл қаражаттың ішінде:
-
272,7 млрд теңге – мемлекеттік бюджеттен тікелей төлемдер;
-
37,3 млрд теңге – Мемлекеттік әлеуметтік сақтандыру қорынан (МӘСҚ) төлемдер.
Кімдер жәрдемақы алады?
2025 жылы түрлі жәрдемақы түрлерін алушылар саны:
-
542,5 мың адам – мүгедектік бойынша;
-
198,1 мың адам – асыраушысынан айырылу жағдайында;
-
93,2 мың адам – еңбекке қабілеттілігінен айырылғаны үшін МӘСҚ-тан төлем алады;
-
64,2 мың отбасы – асыраушысынан айырылғаны үшін МӘСҚ-тан төлем алады.
2025 жылғы 1 қаңтардан бастап жәрдемақы мөлшері
Тіршілік минимумының өсуіне байланысты барлық төлемдер 6,5%-ға индексацияланды. Жаңартылған мөлшерлер:
Мемлекеттік мүгедектік жәрдемақылары:
-
І топ – 101 702 теңге
-
ІІ топ – 81 362 теңге
-
ІІІ топ – 55 474 теңге
МӘСҚ-тан орташа төлемдер:
-
Еңбекке қабілеттіліктен айырылғаны үшін – 70 245 теңге
-
Асыраушысынан айырылғаны үшін – 72 524 теңге
Жәрдемақы мөлшері неге байланысты?
Мемлекеттік жәрдемақылар келесі көрсеткіштерге қарай есептеледі:
-
мүгедектік тобына;
-
асырауындағы адамдар санына;
-
мүгедектік немесе қайтыс болу себебіне;
-
қазіргі күнкөріс минимумының деңгейіне.
МӘСҚ төлемдері келесі факторларға байланысты:
-
соңғы екі жылдағы орташа табысқа;
-
төленген әлеуметтік аударымдарға;
-
еңбекке қабілеттілікті жоғалту коэффициентіне;
-
әлеуметтік сақтандыру жүйесіне қатысу ұзақтығына.
Маңызды: МӘСҚ-тан төленетін төлемдер мемлекеттік жәрдемақыларды алмастырмайды, тек толықтырады.
Altyn-orda.kz
