Қостанай облысындағы шахтада жарылыс тіркелді

 Photo : ERG

Қостанай облысында орналасқан шахталардың бірінде өндірістік жарылыс болды. Оқиға кен өндіру жұмыстары кезінде тіркелген.

Алдын ала мәлімет бойынша, жарылыс жабдыққа қызмет көрсету барысында болған. Соның салдарынан бір жұмысшы жарақат алып, медициналық мекемеге жеткізілді. Қазіргі таңда оның жағдайы дәрігерлердің бақылауында.

Кәсіпорын әкімшілігі өндіріс процесі уақытша тоқтатылғанын хабарлады. Оқиға орнына арнайы қызметтер мен жауапты мамандар жіберіліп, қауіпсіздік талаптарының сақталуы тексерілуде.

Аталған факт бойынша құқық қорғау органдары тергеу жүргізіп жатыр. Жарылыстың нақты себептері мен мән-жайы анықталатын болады.